sinamsam na karuwagan

wala nang maisip pa
mula nang iwan na,
paggising isang umaga
sa gitna ng langit,
may nagdidilim:
isang tanikala.


tila dapit-hapon
pagmasdan ang paglisan;
baka masalubong
sa isang pagkakataon,
itatanggi mga panahong
tuluyang itinapon.


kay raming puwang,
di na mapag-usapan;
buuin, ipagpilitan,
ikubli o hagkan;
di na makatuwiran,
dapat nang lumisan.


kay raming salik at pwersa; 
ilan ay bahagyang nakalantad 
sa latag ng mundong ibabaw;
maigtig, matatag,
ibuwal ni salingin man
sadya nang di mangingilag.