Naaalaala pa kaya
O naiisip man lamang ba,
Nabilang ni nagugunita
Ang nakaraan ng tadhana,
Ng bago at muling simula,
Minsan sa tuwi-tuwina;
Nagsawa matapos magsaya,
Mga naragdag o nawala,
Nagkapiling sa pangungulila;
Walang pag-amot nakamtan,
Pilit mang hinagkan
Bago tuluyang mamaalam,
Sa nalabing lakas at tapang,
Hamon pagtanggap kasagutan
Nang maghilom lubusan;
Mainam kusang talikdan,
Unti-unting nalimutan,
Sa hinagap nagliparan,
Di na mahagilap ni mahawakan.
No comments:
Post a Comment