Sa Iyo po, Nanay ko

Buhay kong sa mundo'y paglalakbay,
Pagtahak na ikaw ang umakay;
Anumang bagyong dumaan sa buhay,
Di nagapi ng hapis o lumbay.


Mga pagpapayo mo at saway,
Sa akin ay nagpapatibay;
Sa pagsisikap man o tagumpay,
Salamat sa lahat ng patnubay.


Pagpupuri sa habambuhay
Bawat araw ang sa Diyos iniaalay
Pagkat ikaw sa aki'y ibinigay,
Nag-iisa, mahal kong Nanay!






*para sa Pinakapaburito kong kakwentuhan, kalakwatsahan, kadramahan at kaibigan... ^_^
  Maligayang Bati sa Iyong ika-65 Taong Kaarawan!