Masarap talaga ang kape. Hindi nakapagtatakang marami ang nahuhumaling dito. Mapait pero masarap at hahanap-hanapin mo ito. Gnigising nito ang mga inaantok na nangangaialangang manatiling gising at produktibo. Maliban dito, ito rin ay gumigising sa diwang pinatulog ng mga pagkakataon sa mahabang panahon. Gnigising nito ang nahihimlay na kahapon, ngayon, habang nagmamadali namang tunghayan ang mga maaaring mangyari sa hinaharap.
Nakakahumaling ang kape gaya ng pagkahumaling ng isip ng umiinom nito. Walang tigil ang pagbuhos ng ideya, mga salita, mga larawan hanggang sa magising ka sa gitna ng nakasisilaw na kadiliman at nakabibinging katahimikan. Parang isang bangungot at walang sino mang maaaring gumising kundi ang sariling nalulunod- nauupos.
No comments:
Post a Comment