Sa Pagbabalik-tanaw

Bumibilang ang mga araw
Sa piling ng pagbabalik-tanaw
Ng kahapong hitik ng
Kaalaman sa maraming
Taong nagdaan.

                                                                                                                    Ang bawat mukha animo'y
                                           Representasyon ng mga
                                           Nakasalamuha ng
                                           Noo'y bubot pang isipan.

                                           Sa kapaligiran nalalanghap
                                           Pa rin ang nakaraang
                                           Tila kahapon lamang.

                                           May mga nagbago,
                                           Dumating at nananatili
                                           Habang ang sumasalubong
                                           Sa pagbabalik ay
                                           Ang mga alaalang sinisipat
                                           Sa mga sulok ng naiwan.


*para sa mga araw ng inspirasyon, ingay, saway, laro at yeso...