Sa Gitna

Di tanggap ng nakararami

Sinasaktan, inaapi

Ipinagwawalang bahala

Matapos pakinabangan

At pagkakitaan.

Iniaalay tunay na pagmamahal

Iibinibigay ay pawang kaligayahan,

Kahit mundo'y handang ibigay

Ngunit kagantiha'y sakit

At saka iiwan.

Ipinagtatabuyan

Ng lipunang

Matalinong naturingan

At pararangalan

Sa pagkakita ng kagalingan.

Pedestal ang marapat kalagyan

Ng produktibong kabaklaan;

Sa nahihimbing na kamalayan,

Pulpol na kaisipan

Sila'ng gigising, magpapayaman.

*Para sa mga nasa Gitna- kaibigan, mahal sa buhay, nakilala at makikilala pa lamang...