Wikang Filipino- ang Wikang Pambansa ni: Panitik

Sa bayan ng Baler siya isinilang

Buwan ng Agosto, ika-labinsiyam,

Manuel Luis Quezon ang kanyang pangalan

"Ama ng Wikang Pambansa", kung siya'y tagurian.

Mula sa Surian ng Wikang Pambansa

Kanyang pinagtibay at pinanukala,

Magkaroon tayo ng iisang wika,

Wikang Filipino- ang Wikang Pambansa!

Ako'y taga Luzon, ikaw ay Bisaya

Samantalang siya, sa Mindanao mula

Tayo'y Filipino sa puso at diwa,

May isang damdamin at may isang wika.

Lahing kayumaggi ating pinagmulan

Isang bansang malaya sa dulong Silangan,

May mga bayning nagbuwis ng buhay

Nang upang makamtan yaong kalayaan.

Wikang Filipino ay Wika ng Lahi

Ang wika ng bansa't mga minimithi

Naipahayag ang diwa ng budhi

Na siyang nagbubuklod sa lahat ng lipi.

Ang Buwan ng Wika, ating ipagdiwang

Manuel Luis Quezon, ating parangalan,

Ang sariling Wika nitong ating bayan

Ay ating mahalin at pakaingatan.

Mga kabataan sana ay pakinggan

Saan man makarating h'wag kalilimutan

Ang wikang sarili ay ipagmalaki, ipagparangalan

Huwag ikahihiya sa mga dayuhan

Wikang Filipino, ating kayamanan.